 |
| Una didascalia: la societa' civile ,significata dalle miti pecore,arrivera' a comprendere il proprio vero status e le potenzialita' che finora sono state nascoste da altre specie meno politiche ,dedite al gattopardismo , all'individualismo clientelare, al far cambiare tutto perche' non cambi niente. Ringraziamo il poeta castelbuonese Ignazio Maiorana per la gentile collaborazione nella pubblicazione del testo |
 |
| Ignazio Maiorana,giornalista,poeta,scrittore |
Forza, pecuri!
Ma chi storia è chista?!
- dissi 'na pecura chiù in vista -
Ancora ha durari sta dannazioni?
Ancora sta suttamissioni?
L'armali feroci, tigri, liuna...,
comu li principi e li baruna,
su' trattati ccu rispettu
e nta la riserva protetti.
Mancianu carni di selvaggina
e hannu la peddi liscia e fina.
Li pecuri, 'nveci, su' sfruttati,
mazzuliati e poi scannàti.
Fannu l'omu riccu e saziu
e chiustu è lu ringraziu.
Nun si pò chiù suppurtari.
Pecuri, 'na cosa avemu a fari!
Paremu miliuna di scimuniti
ma semu 'na forza si stamu uniti,
e, si la matematica nun è opinioni,
putissimu fari puru la rivoluzioni...
Avanti 'na cumpagnia di muntuna
chi sfunnassi tutti li purtuna;
appressu l'armata di li greggi
e nun ci sarà ostaculu chi reggi.
Poi vidissimu, senza miraggiu,
s'avissiru ancora curaggiu
tigri, gattopardi e liuna
di fari pumata p'i minchiuna.
Ignazio Maiorana
